Биохемиската лабораторија ”Манолеви” располага со најсовремена апаратура и дијагностички тестови кои овозможуваат брза и прецизна дијагностика. Со оглед на фактот дека лабораторијата е во склоп на Поликлиничкиот центар, сите итни случаи добиваат брзи лабораториски наоди кои понатаму овозможуваат брза дијагноза и третман. Ваквата услуга посебно доаѓа до израз во Ординацијата по педијатрија.
Од 2007 година лабораторијата има склучено договор со Фондот за Здравствено осигурување, со што поголемиот дел од лабораториските анализи се наплатуваат со партиципација. Ваквата услуга е достапна за сите пациенти, како матични така и нематични пациенти.
Покрај амбулантската услуга, лабораториските анализи се достапни и за оние пациенти кои имаат потреба од земање на крв за анализи во домашни услови, посебно кај старите и неподвижни лица, пациентите со прележан мозочен удар, срцеви болни, лица со потребни лабораториски анализи после оперативни третмани и останати. Ваквата услуга е достапна преку домашна посета и земање крв во домашни услови.
Лабораторијата овозможува анализа на хормони, туморски маркери и микробиолошки испитувања (брис од нос и грло, уринокултура, брис од очи, спермокултура).